Nuus 18:00

BULLETIN NUUSAGENTSKAP 26 Augustus 6 nm

Goeiemiddag. Ek is……..

In die bulletin:

# Die Raadplegingspaneel vir Verkiesingshervormings vra voorleggings van die publiek oor die hervorming van die  kiesstelsel
# Die regering beplan om die Kantoor van Openbaarmaking te versterk teen datagehaltekwessies in die behuisingsektor
# En, sokker: Die voormalige afrigter van Engeland, Sven-Göran Eriksson, sterf op 76

# Die Raadplegingspaneel vir Verkiesingshervormings vra voorleggings van die publiek oor hoe om Suid-Afrika se kiesstelsel vir die Nasionale Vergadering en provinsiale wetgewers te hervorm. Die paneel, met Richard Sizani as voorsitter, nooi individue, organisasies en politieke partye om hulle menings teen 30 September in te dien. Dit is deel van die paneel se mandaat om moontlike verkiesingshervormings te ontgin na afloop van vanjaar se verkiesing. Die voorleggings moet aandui of die huidige kiesstelsel hervorm, verander, of selfs vervang moet word.

# Die Departement van Menslike Nedersettings beplan om die Kantoor van Openbaarmaking te versterk vir aandag aan datagehaltekwessies in die behuisingsektor. Die fokus sal wees op die verbetering van die kantoor se ondersoekmagte, verhoogde boetes vir nie-voldoening, en voldoening aan ouditvereistes. Die minister van Menslike Nedersettings, Mmamoloko Kubayi, het aan die media gesê hierdie maatreëls beveg dataduplisering en onvolledige voorleggings om huislening-monitering te versterk en huisverbeterings te steun:

# Die burgemeester van Johannesburg, Dada Morero, het om verskoning gevra vir sy voorstel dat buitelandse burgers met die regte kwalifikasies aangestel kan word in die stad se Metropolisie om taalgrense teen te werk. Sy opmerking op ‘n ANC-lekgotla het woede uitgelok op sosiale media, in die burgerlike samelewing, van politieke partye, en van die premier van Gauteng, Panyaza Lesufi. Die burgemeester het sy voorstel teruggetrek, en erkenning gegee aan kommer oor Johannesburg se werkloosheidskrisis:

# Italiaanse owerhede ondervra die kaptein van die vergane super-seiljag na verlede Maandag se ramp naby Sicilië. Sewe passasiers het verdrink toe die geankerde seiljag met die Britse vlag, Bayesian, omgeslaan het toe dit ‘n watertuit teëgekom en binne ‘n minuut gesink het. Die kaptein, die 51-jarige James Cutfield, en 14 ander mense aan boord, het oorleef. Cutfield, ‘n gebore Nieu-Seelander, word volgens berigte ondersoek vir moontlike aanklagte van manslag en stranding. Volgens Sky News word ‘n bemanningslid wat aan diens was, moontlik ook ondersoek.

# Sokker: Die voormalige bestuurder van Engeland, Sven-Göran Eriksson, is op die ouderdom van 76 oorlede nadat hy in Januarie met kanker gediagnoseer is. Die Sweed het op 27 opgehou speel en oorgeskakel na afrigting. Hy was Engeland se bestuurder vanaf 2001 tot 2006 en was ook by klubs soos Benfica, Roma en Manchester City betrokke. ‘n Dokumentêr oor sy lewe, getiteld “Sven”, is vroeër die maand vrygestel. Teen die einde sê hy, “Dankie vir alles, afrigters, spelers, die skares. Dit was fantasties.”

# En die finansiële aanwysers: Die rand verhandel teen 17-rand-71-sent teen die dollar, 19-rand-78-sent teen die euro en 23-rand-38-sent teen die pond. Bitcoin verhandel teen 63-duisend-450-dollar-19-sent. Die prys van goud is twee-duisend-516-dollar-60-sent per fynons en die prys van Brent-ruolie 81-dollar-47-sent per vat.

Bly ingeskakel vir meer nuus……………….