Eko-minuut 13:30

BULLETIN NUUSAGENTSKAP 28 Junie 1:30 nm

Goeiemiddag. Hier is jou Eko-minuut:

# Aktiviste teen klimaatsverandering het hulle in Pretoria by die wêreldwye betogings deur die StopEACOP-koalisie aangesluit teen die ruolie-pypleiding in Oos-Afrika. Die projek deur TotalEnergies en die Chinese oliekorporasie wat oliebronne in die see ontgin, word beskuldig van menseregtevergrype en die vernietiging van die biodiversiteit naby die Murchison-valle Nasionale Park in Uganda. Betogers eis ‘n hersiening van China se betrokkenheid en sê dit kan ‘n koolstofspoor van 375-miljoen metrieke ton laat en duisende mense ontwortel.

# Die Wêreldnatuurfonds Suid-Afrika se jeugveldtog vereer toekomstige omgewingsleiers. Sommige erkende leiers sluit in Dean Carlisle, wat Lessons in Conversation begin het en agt-duisend-500 kinders in 11 Afrikalande onderrig het. Esethu Cenga het Rewoven Africa begin wat hom toespits op tekstielherwinning vir volhoubare modes. Die Sirkulêre Ekonomie-ontleder van die fonds, Didi Mathibe, word ook vereer vir haar stryd teen plastiekbesoedeling met innoverende afvalverminderingstrategieë. Die veldtog is daarop gemik om die Suid-Afrikaanse jeug te bemagtig om kampvegters te wees vir volhoubaarheid om die planeet se toekoms te beskerm.

# Die Algemene Werkersvakbond eis die herinstelling van werkers in die Green Army-program in Gauteng op ‘n permanente basis en ordentlike lone asook ‘n aansienlike uitbreiding van die program. Die president van Giwusa, Mametlwe Sebei, sê die wyse waarop hierdie aangeleentheid hanteer is getuig van swak beplanning en ‘n gebrekkige begrip van volhoubaarheid. Sebei sê om menslike nedersettings in stand te hou en teen die klimaat en infrastruktuur bestand te maak is ‘n sinvolle en veiliger besteding van openbare fondse en juis daarom behoort hierdie program uitgebrei te word:

Bly ingeskakel vir meer nuus……………….