Nuus 09:00

BULLETIN 6 April 9 vm

Goeiemôre. Ek is……..

In die bulletin:

# Die kompetisiewaghond gee die groenlig vir die Anchor-Credo-samesmelting van 250-miljard-rand
# Die ANC verduidelik die nommer 6 prioriteit uit van sy manifes wat gemik is op ‘n beter Afrika, en wêreld
# En, tennis: Beserings stel Nadal en Murray se kanse om hul loopbane te verleng in gevaar

# Die Mededingingskommissie het die samesmelting goedgekeur van die Suid-Afrikaanse maatskappy Anchor Capital en Credo van Brittanje, ter waarde van byna 250-miljard-rand. Die kommissie sê die samesmelting sal nie mededinging in die mark skaad nie. News24 berig dit baan die weg vir nog ‘n indrukwekkende batebestuursentiteit. Die uitvoerende hoof van Anchor, Peter Armitage, verwag ‘n positiewe uitwerking op indiensneming en toegang tot belegging in die buiteland wanneer die transaksie binne die volgende paar maande afgehandel is. Die ooreenkoms maak die saamgestelde onderneming ‘n belangrike speler in die welvaart- en batebestuursektor.

# Die ANC onderstreep sy toewyding aan wêreldvrede en -ontwikkeling en bly toegewy aan konflik-oplossing regoor Afrika en verder. Dié herbevestiging stem ooreen met die ses prioriteit in sy manifes, wat fokus op die bou van ‘n beter Afrika en wêreld, veral te midde van die Israel-Hamas-oorlog. Die minister van Internasionale Betrekkinge Naledi Pandor lig die belangrikheid uit van die versterking van handels- en beleggingsbande, terwyl voorspraak gemaak word vir die hervorming van internasionale liggame, ondanks ekonomiese uitdagings:

# Die Treatment Action Campaign is bekommerd oor die dalende beskikbaarheid van kondome in die land. Die nasionale voorsitter van die TAC, Sibongile Tshabalala, dring by die Departement van Gesondheid aan om meer kondome beskikbaar te maak aangesien data toon dat kondome oor vyf jaar al hoe minder geword het. Tshabalala waarsku dat dit die jeug aan HIV/VIGS en seksueel-oordraagbare siektes blootstel. Hy versoek ook die regering om alternatiewe voorkomende maatreels te tref:

# ‘n Hof in Milaan het ‘n maatskappy wat aan die beroemde Italiaanse modegroep Armani behoort onder geregtelike administrasie geplaas nadat hy beskuldig is van die indirekte subkontraktering van sy produksie aan Chinese maatskappye wat werkers uitbuit. Reuters berig die hof het bevind die nywerheidsmaatskappy Giorgio Armani Operations het die vervaardiging van sy inkopiesakke uitkontrakteer aan twee maatskappye wat dit subkontrakteer het aan vier Chinese maatskappye wat werkers te min betaal. Die administrasie geld vir ‘n jaar, terwyl Armani samewerking beloof het om die saak reg te stel.

# En, laastens, tennis: Beserings bedreig die loopbane van twee voormalige wêreld nommer een-spelers wat koorsagtig probeer om weer lewe in hulle loopbane te blaas. Rafael Nadal se onttrekking aan die eerste kleibaantoernooi in Monte Carlo beteken hy sal moontlik sukkel om teen sy 38ste verjaarsdag gereed te wees vir die Franse Ope en die geleentheid om sy rekord na 15 titels te verbeter. Die 36-jarige Andy Murray van Skotland het ingeskryf vir die Queens-grasbaantoernooi in Londen in Junie maar hy sal eers ‘n enkelbesering moet afskud.

Bly ingeskakel vir meer nuus……………….