Nuus 13:00

BULLETIN 13 November 1 nm

Goeiemiddag. Ek is……..

In die bulletin:

# Forum4SA vra Ramaphosa om voor die Madlanga-kommissie te verskyn
# Minister Lamola lei ‘n Suid-Afrikaanse afvaardiging na die AU-vergadering oor finansiering
# En tennis: Zverev en Alcaraz lei die groepe in die ATP-eindtoernooi in Turyn

# Forum for South Africa wil hê president Cyril Ramaphosa moet voor die Madlanga-kommissie verskyn om rekenskap te gee rakende inligtingsgesprekke wat hy na bewering ontvang het oor misdaadnetwerke en die infiltrasie van die strafregstelsel. Die waarnemende hoof van die Nasionale Intelligensie-koördineringskomitee, Ntandazo Sifolo, het vrae geopper oor wat Ramaphosa weet, wanneer hy ingelig is en wat gedoen is. Forum4SA se leier, Tebogo Mashilompane, sê hy is na bewering ingelig voor die KwaZulu-Natalse polisiekommissaris, Nhlanhla Mkhwanazi, se openbare nuuskonferensie:

# Die minister van Internasionale Betrekkinge en Samewerking, Ronald Lamola, lei vandag in Ghana die Suid-Afrikaanse afvaardiging na die 27ste buitengewone sitting van die Afrika-unie se uitvoerende raad. Ministers van Buitelandse Sake en van Finansies gaan ‘n verslag oor die A-U se finansiering en die Vredesfonds bespreek. Die departement se woordvoerder, Phindile Kunene, sê die vergadering kom te midde van toenemende kommer onder A-U-lidlande oor die groep se afhanklikheid van eksterne befondsing:

# Die stigter en voormalige uitvoerende hoof van Nvidia, Jensen Huang, is gedagvaar om voor die Amerikaanse Kongres te getuig. Hy het gister uit die tegnologie-reus bedank na bewerings rondom buite-egtelike verhoudings, onder meer met ‘n beweerde Chinese spioen. Huang sal verskyn voor die komitees oor Intelligensie en Buitelandse Sake, asook die gekose komitee oor China. Die minister van Handel, Howard Lutnick, wat onder die vergrootglas is oor die uitvoer van vertroulike Nvidia-K-I-skyfies na China, is ook gedagvaar om voor die Senaat se Bankkomitee te verskyn.

# Tennis: Die wêreld-nommer-een, Alexander Zverev van Duitsland, kom teen die Amerikaner Ben Shelton, die Fransman Arthur Fils en die Spanjaard Rafael Jodar te staan in die rondomtalie-afdeling van die ATP-jaareindtoernooi in Turyn, Italië. Hulle is in die John McEnroe-groep. Die sewemalige Grand Slam-kampioen, Carlos Alcaraz van Spanje, lei die Ivan Lendl-groep, en speel teen die Rus Daniil Medvedev, die Amerikaner Frances Tiafoe en die plaaslike speler Flavio Cobolli. Die toernooi begin Sondag.

# Die finansiële aanwysers: Die rand verhandel teen 16-rand-82-sent teen die dollar, 18-rand-61-sent teen die euro en 22-rand-27-sent teen die pond. Bitcoin verhandel teen 68-duisend-767-dollar. Die prys van goud is drie-duisend-897-dollar-38-sent per fynons en die prys van Brent-ruolie is 98-dollar-32-sent per vat.

# En ten slotte: Die Stad Kaapstad maak gereed vir sy 57ste feesliggie-aanskakeling met die tema, Baken van Hoop. Die gratis konsert vind die 29ste van die maand op die Parade plaas en spog met optredes deur die bekroonde duo Jazzwrld en Thukuthela, Liquideep, Nasty C en die gewilde Afrikaanse sangeres Monique Steyn. Burgemeester Geordin Hill-Lewis sê die nuwe feesliggies in Adderleystraat is vroeër hierdie week getoets en bied ‘n voorsmakie van die kleur, skeppendheid en vermaak waarna inwoners en besoekers kan uitsien:

Bly ingeskakel vir meer nuus……………….