Nuus 07:00

BULLETIN 31 Oktober 7 vm

Goeiemôre. Ek is……..

In die bulletin:

# Politieke partye sluit die naweek hul veldtogte met hul laaste saamtrekke af
# Die geskil tussen die GOOD-party en die OVK oor politieke befondsing gaan na die Appèlhof
# En krieket, Australië het 288 lopies en Suid-Afrika het tien paaltjies nodig om die derde toets en reeks te we

# Politieke partye hou hierdie naweek hul laaste saamtrekke voor die plaaslikeregeringsverkiesing. Die DA se laaste nasionale saamtrek vind vandag by Moretele-park in Mamelodi, Tshwane, plaas, terwyl die EFF sy Tshela Thupa-saamtrek by die Orlando-stadion in Soweto hou. Sondag lei die ANC-president Cyril Ramaphosa sy party se Siyanqoba-saamtrek by die Sisa Dukashe-stadion in Mdantsane in die Oos-Kaap. Die IVP se laaste saamtrek is by die Prins Mangosuthu Streek-stadion in Ulundi, KwaZulu-Natal.

# Die GOOD-party is verlof toegestaan om by die Appèlhof teen ‘n uitspraak van die Verkiesingshof te appelleer. GOOD betwis ‘n bevinding ingevolge die Wet op die Befondsing van Politieke Partye wat verband hou met ‘n beweerde onverklaarde skenking, sowel as ‘n administratiewe boete wat aan die party opgelê is. Die sekretaris-generaal van die GOOD-party, Brett Herron, voer aan dat die party se leierskap onbewus was van die reëling en nie die geleentheid gekry het om op ‘n forensiese verslag te reageer voordat die saak voor die hof gedien is nie:

# Die Nasionale Vervolgingsgesag sê die aanklagte teen die voormalige hoof van die Ondersoekdirektoraat Teen Korrupsie, Andrea Johnson, en die gewese adjunkhoof van Misdaadintelligensie, Feroz Khan, is baie ernstig. Die twee is gister in die Pretoriase landdroshof borgtog van tien-duisend-rand elk toegestaan. Een van die ernstigste bewerings is ‘n aanrading- en intimidasie-aanklag in 2018 waarby Khan betrokke is. Die NVG-woordvoerder, Kaizer Kganyago, sê Johnson, het na bewering sonder toestemming inligting aan Khan bekendgemaak, en albei se doel was om vervolging teen Khan te keer:

# Die Departement van Landbou het ‘n geval van Afrika-perdesiekte in die Cederberg in die Wes-Kaap bevestig en bewegingsbeperkings is ingestel. Die virus is by een perd opgespoor, en geen permitte sal uitgereik word om perde uit die geaffekteerde gebied te verskuif nie. Die minister van Landbou Willie Aucamp het perde-eienaars versoek om simptome aan te meld en om nie hul diere gedurende hierdie tydperk in te ent nie aangesien dit die verspreiding van die siekte kan vererger.

# Binance, die wêreld se grootste kripto-beurs, is besig met ŉ reuse-opknapping van sy sekuriteit nadat kuberkrakers by sy digitale beursies ingebreek en sowat 104,77-miljard-rand gesteel het. Dit word beskryf as die grootste diefstal in die geskiedenis. Volgens ŉ aanvanklike ondersoek het die diewe deur ŉ ingenieur se skootrekenaar toegang tot ŉ dienshouer gekry en ongemagtigde onttrekking-transaksies ingedien. Kenners het Noord-Korea as die moontlike skuldige geïdentifiseer. Binance se mede- uitvoerende hoof, Richard Teng, glo meer as een kuberkraker was by die “ingewikkelde aanval” betrokke:

# Krieket: Australië het vandag op die vyfde dag in Kaapstad 288 nodig om die derde en laaste toets teen Suid-Afrika te wen. Ryan Rickelton en Wiaan Mulder het albei honderdtalle behaal en die Proteas was in hul tweede beurt op 387 almal uit, wat hulle ŉ voorsprong van 287 lopies gee. Rickelton het 101 van 219 balle aangeteken in sy derde toets-honderdtal en tweede op Nuweland, terwyl Mulder ook sy derde toets-honderdtal behaal het met 115 van 204 balle. Mitchell Starc was Australië se ster-bouler wat drie paaltjies platgetrek het.

Bly ingeskakel vir meer nuus……………….