Sportnuus 12:30

BULLETIN SPORTNUUS 1 Oktober 12:30 nm

Goeiemiddag, ons kyk na die jongste sportnuus en uitslae:

# Ons begin met rugby: Die volgende Wêreldbekertoernooi begin vandag oor ‘n jaar in Australië. Dit sal die grootste toernooi nóg wees, met 24 lande wat in ses groepe meeding. Die toernooi sal ook die eerste keer ‘n ronde van 16 insluit, asook ‘n “Super Sondag” met vyf groepswedstryde op 17 Oktober. Wedstryde sal in sewe gasheerstede gespeel word, naamlik Sydney, Brisbane, Perth, Adelaide, Melbourne, Townsville en Newcastle. Toeskouers uit 135 lande het reeds 750-duisend kaartjies gekoop. Wêreldrugby se uitvoerende hoof, Brett Robinson, sê die toernooi in sy vaderland gaan ‘n ongeëwenaarde fees wees.

# Krieket: Australië het Suid-Afrika met 45 lopies verslaan ingevolge die Duckworth–Lewis–Stern-metode nadat reën die laaste eendagwedstryd in Potchefstroom kortgeknip het. Alex Carey het die beste gevaar met 74 van 88 balle en die besoekers het 322 vir nege behaal. Ryan Rickelton het daarna ‘n onoorwonne 71 van 81 balle aangeteken, maar die Proteas was op 145 vir vier in die 28ste boulbeurt toe dit begin reën het. Hulle het in daardie stadium 192 nodig gehad, wat Australië die oorwinning besorg het. Suid-Afrika het die reeks 2-1 gewen.

# Sokker: Bafana Bafana het Eritreë 5-0 verpletter in hulle Afrikabeker-kwalifiseerder in Kaïro, Egipte. Hulle is eerste in groep D met ses punte na twee wedstryde. Relebohile Mofokeng het in die eerste helfte twee doele aangeteken en die grondslag vir Suid-Afrika. Yaya Sithole, Iqraam Rayners en die plaasvervanger Luther Singh het in die tweede helfte verdoel om die oorwinning te verseker. Pitso Mosimane se span kom Sondag teen Egipte te staan in ‘n vriendskaplike wedstryd in Kaïro.

Nog sokkernuus: Cristiano Ronaldo het Portugal se kamp verlaat voor vanaand se UEFA-Nasiesligawedstryd teen Denemarke en beloof hy sal mettertyd die rede onthul. Die 41-jarige was ‘n ongebruikte plaasvervanger tydens Sondag se oorwinning van 2-1 oor Noorweë. Dit het berigte laat ontstaan oor moontlike onmin met afrigter Jorge Jesus, wat ook bevestig het hy beplan nie om Ronaldo in die opdrafspan te kies vir vanaand se kragmeting in Kopenhagen nie. Ronaldo het sy spanmaats op sosiale media sterkte toegewens vir hulle komende wedstryde.

# En tennis: Die sesmalige Chinese Ope-kampioen, Novak Djokovic, het sy eerste verskyning in die toernooi sedert 2015 met ŉ oorwinning afgeskop. Die Serwiër het Nuno Borges van Portugal geklop om sy onoorwonne rekord in Beijing te behou. Djokovic en die Chinese promotorskeuse, Bu Yunchaokete, wat met die Argentyn, Juan Manuel Cerundolo, afgereken het, spook sake in die tweede ronde uit. In die vroue-afdeling het die Britse nommer-een, Katie Boulter, haar veldtog begin met ŉ sege oor die Japannese kwalifiseerder, Mai Hontama.

Bly ingeskakel vir meer nuus……………….