Nuus 15:00

BULLETIN 21 September 3 nm

Goeiemiddag. Ek is……..

In die bulletin:

# Die polisie verbind die moord op die negende vrou in Ekurhuleni met ‘n beweerde liefdesdriehoek
# A-pokke-gevalle in Suid-Afrika styg tot 18
# En Ramaphosa sê die regering het nie die name ontvang van mense wat Amerika beperk het nie

# Die Gautengse polisie sê die moord op Jabulile Ntimba, wie se liggaam verlede week in Dawnpark, Boksburg, gevind is, hou moontlik verband met ‘n liefdesdriehoek. ‘n Man en twee vroue is in hegtenis geneem en sou na verwagting vandag in die Boksburgse Landdroshof verskyn. Die adjunk-nasionale polisiekommissaris, Tebello Mosikili, het op ‘n nuuskonferensie gesê voorkeur word gegee aan al nege sake van die vroue wat in Ekurhuleni vermoor is:

# Die Departement van Gesondheid sê ‘n sosiale byeenkoms in Kaapstad word verbind met A-pokke-besmettings in die Wes-Kaap. Woordvoerder Foster Mohale sê feitlik almal wat positief getoets het, was die afgelope vier weke op dieselfde geleentheid. Die aantal bevestigde A-pokke-gevalle in die land het tot 18 gestyg, met bygewerkte syfers wat vandag verwag word. Mohale vra enigiemand met simptome soos koors en ‘n uitslag om hulself af te sonder en te laat toets.

# President Cyril Ramaphosa sê die regering het nie die name ontvang van Suid-Afrikaners wat nie Amerika mag binnegaan nie. Hy het gepraat by die Johannesburgse buiteklub tydens die ANC-veterane-liga se presidensiële gholfdag. Ramaphosa sê Suid-Afrika sal sy soewereiniteit beskerm terwyl hy voortgaan met diplomatieke skakeling met Washington. Hy beskryf Amerika as ‘n belangrike handelsvennoot en sê Pretoria is gereed om oplossings te vind vir uitdagings wat bilaterale betrekkinge raak:

# Die Afrika-unie se kommissaris vir Landbou, Landelike Ontwikkeling, die Blou Ekonomie en Volhoubare Omgewing, Moses Vilakati, sê El Niño is meer as ‘n weer-verskynsel en raak landbou, waterbronne, voedselsekerheid en ekonomieë. Hy het lidlande aangemoedig om vroeë waarskuwings te omskep in vroeë optrede met droogtebestande gewasse, waterbesparing, voedselreserwe-beveiliging en voldoende beskikbare veevoer. Vilakati vra owerhede om gewasse, vee, waterbronne en voedselvoorrade te beskerm deur vroegtydige voorbereiding vir moontlike droogte:

# Sokker: Die president van die Konfederasie van Afrika-sokker, Patrice Motsepe, vra groter dringendheid terwyl Kenia, Tanzanië en Uganda voorberei om volgende jaar se Afrikabeker-toernooi aan te bied. Hy sê stadions moet teen Januarie gereed wees vir inspeksie. Hy het wel vordering erken, maar wys daarop dat sekere geriewe aansienlik verbeter sal moet word. Kenia se minister van Sport, Salim Mvurya, het CAF verseker dat voorbereidings versnel sal word, met die mikpunt om die werk teen Desember te voltooi. Die toernooi vind van 19 Junie tot 17 Julie plaas.

# En die finansiële aanwysers: Die rand verhandel teen 16-rand-26-sent teen die dollar, 18-rand-67-sent teen die euro en 21-rand-76-sent teen die pond. Bitcoin verhandel teen 84-duisend-674-dollar. Die prys van goud is vier-duisend-352-dollar-96-sent per fynons en die prys van Brent-ruolie is 101-dollar-84-sent per vat.

Bly ingeskakel vir meer nuus……………….