Nuus 16:00

BULLETIN 18 Augustus 4 nm

Goeiemiddag. Ek is……..

In die bulletin:

# Die Reigerpark-moordsaak is uitgestel vir ‘n borgtog-aansoek
# Gholf: ‘n Tweemalige Amerikaanse Ope-kampioen bevestig sy deelname aan die Nedbank-uitdaging
# En die Vaal-gemeenskap is waaksaam namate pogings begin om ‘n krokodil te vang

# Die Landdroshof in Boksburg, Gauteng, het die Reigerpark-moordsaak tot volgende Dinsdag uitgestel vir ‘n formele borgtogaansoek. Die tweede beskuldigde, die 24-jarige Jamal Meyer, het sy eerste verskyning gemaak en aangesluit by sy medebeskuldigde, Regan Collins. Die Nasionale Vervolgingsgesag se woordvoerder, Magaboke Mohlatlole, sê hulle staan ​​tereg op vier aanklagte van moord wat verband hou met die skietvoorval vroeër die maand waarin vier mense dood is, insluitend twee beamptes van die Teenbende-eenheid:

# Die Parlement se portefeuljekomitee oor Minerale en Petroleumbronne sê Suid-Afrika benodig ‘n regulatoriese raamwerk wat die omgewing en gemeenskappe se regte beskerm, terwyl dit beleggers voldoende sekerheid bied om verantwoordelike olie- en gas-verkenning te onderneem. Die Konstitusionele Hof het Shell en Impact Africa se verkennings-bedrywighede langs die Wildekus verbied. Die komitee is bekommerd oor die wyer gevolge van langdurige regsonsekerheid en herhaalde vertragings vir belegging, verkenning en ekonomiese ontwikkeling in die aflandige petroleumsektor.

# Die DA sê die Gautengse Departement van Landbou en Landelike Ontwikkeling het tussen 2022 en vanjaar meer as 20,6-miljoen-rand aan 211 geleenthede bestee, terwyl boere aanhou sukkel. Die DA-lid, Bronwynn Engelbrecht, sê die besteding is onthul tydens antwoorde op vrae in die provinsiale wetgewer. Sy sê die departement moet voorkeur gee aan landbou-infrastruktuur, veeartsenykundige dienste, produksiemiddele en marktoegang en nie aan duur funksies nie:

# Gholf: Die tweemalige Amerikaanse Ope-kampioen, Bryson DeChambeau, het sy deelname aan vanjaar se Nedbank-uitdaging bevestig. Die toernooi vind vroeg in Desember plaas op die Gary Player-buiteklub in Sun City, Noordwes. DeChambeau het vanjaar ook die LIV Gholf-toernooi op Steyn City in Johannesburg gewen. Die Suid-Afrikaanse gholfikoon, Gary Player, wat in sy loopbaan nege major-titels gewen het is die gasheer. Hy sê hy is verheug dat die Amerikaner vanjaar meeding oor sy passie, krag en toewyding aan die spel.

# Die finansiële aanwysers: Die rand verhandel teen 16-rand-20-sent teen die dollar, 18-rand-75-sent teen die euro en 21-rand-92-sent teen die pond. Bitcoin verhandel teen 64-duisend-274-dollar. Die prys van goud is vier-duisend-399-dollar-18-sent per fynons en die prys van Brent-ruolie is 92-dollar-88-sent per vat.

# En ten slotte: ‘n Drie-meter-lange krokodil is in die Vaalrivier gesien, en owerhede waarsku mense om nie te swem of aan water-bedrywighede deel te neem tot die dier gevang is nie. Charles van der Merwe van die Water-wetstoepassingspan sê daar is reeds ‘n vanghok. Die reptiel, waarskynlik ‘n Wes-Afrika slanksnuit-krokodil, is nie aggressief nie, maar steeds gevaarlik. Van der Merwe sê inwoners moet die Vanderbijlparkse polisiestasie of Vaal River Rats inlig oor enige waarnemings. ‘n Koopbewys van 20-duisend-rand word aangebied vir inligting wat daartoe lei dat die krokodil veilig gevang word.

Bly ingeskakel vir meer nuus……………….