Nuus 17:00

BULLETIN 6 Augustus 5 nm

Goeiemiddag. Ek is……..

In die bulletin:

# Die Madlanga-kommissie word gevra om IDAC nie te ontbind nie
# Michael Lomas kry ‘n opgeskorte vonnis in die Kusile-bedrogsaak
# En, rugby, die All Blacks berei voor vir ‘n uitputtende stryd teen die Stormers 

# Die Ondersoekdirektoraat teen Korrupsie se hoof van ondersoeke, Matthews Sesoko, het die Madlanga-kommissie versoek om nie tot die gevolgtrekking te kom die direktoraat se integriteit aangetas is nie. Sesoko het die aangeleenthede wat tans ondersoek word as geïsoleerde voorvalle beskryf en sê IDAC beskik oor toegewyde personeel, gesonde strukture en ‘n sterk rekord met die bekamping van korrupsie. Hy beveel aan die direktoraat se bedryfshandleiding moet ten volle toegepas word om te verseker ondersoeke verloop onpartydig en deursigtig en word beskerm teen onbehoorlike invloede:

# Die Nasionale Finansiële Hulpskema vir Studente het ‘n diefstalsaak teen ‘n voormalige raadslid geopen wat daarvan beskuldig word dat hy tien skootrekenaars gesteel het, wat bedoel was vir benadeelde skole in die Oos-Kaap. Die rekenaars het deel gevorm van ‘n skenkingsveldtog in Maart, met ses skole wat elk vyf toestelle sou ontvang. Die administrateur van die skema, Hlengani Mathebula, sê dit is onaanvaarbaar dat iemand wat toevertrou is met diens aan kwesbare gemeenskappe behoeftige leerders van opvoedkundige hulpbronne ontneem.

# ‘n Voormalige Eskom-kontrakteur Michael Lomas is deur die Hooggeregshof in Johannesburg ‘n vonnis van 15 jaar tronkstraf opgelê wat vir vyf jaar ten volle opgeskort is. Hy het skuldig gepleit op aanklagte van bedrog, diefstal en korrupsie wat verband hou met die Kusile-kragstasie-korrupsiesaak van 1,4-miljard-rand. Die 79-jarige het erken hy het omkoopgeld gebruik om ‘n tender te bekom, insluitend kontant- en huurbetalings vir voormalige Eskom-amptenare. Lomas is in 2024 uit die Verenigde Koninkryk uitgelewer na sy inhegtenisneming in 2021 en het ‘n pleitooreenkoms met die staat aangegaan.

# Die Suid-Koreaanse president, Lee Jae Myung, het ‘n omvangryke regeringsreaksie gelas met ‘n rekordhittegolf wat die land steeds teister. Temperature in Seoel sou na verwagting vandag 39 grade Celsius bereik het, met die dodetal weens hitteverwante siektes wat tot minstens 21 gestyg het. Lee het owerhede beveel om alle beskikbare hulpbronne in te span, kwesbare inwoners te beskerm en te verseker buitelugwerkers kry voldoende ruskanse. Die uiterste hitte het sport ook ontwrig. Alle bofbalwedstryde is afgelas nadat verskeie toeskouers na berig word weens die bloedige hitte inmekaargesak het.

# Rugby: Die All Blacks se hoofafrigter, Dave Rennie, het bewerings verwerp dat die wedstryde teen die Stormers, die Haaie, die Bulle en die Leeus gebruik word as opwarming voor die toetsreeks teen die Springbokke. Nieu-Seeland pak die Stormers môre in Kaapstad. Elf Verenigde Rugbykampioenskap-spelers is ingesluit in die Stormers se groep, insluitend die Bokke Evan Roos en Ntuthuko Mchunu. Rennie sê hulle is deeglik bewus van hoe goed die Stormers is:

# En die finansiële aanwysers: Die rand verhandel teen 16-rand-33-sent teen die dollar, 18-rand-84-sent teen die euro en 21-rand-99-sent teen die pond. Bitcoin verhandel teen 64-duisend-312-dollar. Die prys van goud is vier-duisend-251-dollar-93-sent per fynons en die prys van Brent ruolie is 84-dollar-27-sent per vat.

Bly ingeskakel vir meer nuus……………….