Nuus 11:00

BULLETIN 19 Julie 11 vm

Goeiemôre. Ek is……..

In die bulletin:

# Antonio Guterres doen ‘n beroep op die wêreldgemeenskap om Mandela se visie uit te leef
# Geordin Hill-Lewis sê gemeenskappe regoor Suid-Afrika verdien betroubare basiese dienste
# En rugby: Suid-Afrika is steeds die Junior Wêreldkampioene

# Die sekretaris-generaal van die Verenigde Nasies, António Guterres, het die wêreldgemeenskap gevra om oudpresident Nelson Mandela se visie van ‘n regverdige, inklusiewe, gelyke en vreedsame wêreld uit te leef. Hy het op Nelson Mandela Internasionale Dag beklemtoon dat die bekamping van armoede nie liefdadigheid is nie, maar ‘n daad van geregtigheid en gesamentlike verantwoordelikheid. Guterres sê hy was nog altyd geïnspireer deur Madiba se lewe en oortuiging dat alles moontlik is wanneer mense saamstaan:

# Die DA-leier, Geordin Hill-Lewis, beklemtoon elke burger het die reg om met waardigheid behandel te word, met gemeenskappe regoor Suid-Afrika wat betroubare basiese dienste verdien. Hy sê die bou van ‘n beter Suid-Afrika begin wanneer burgers vra wat hulle kan doen om hul bure te dien, gemeenskappe te versterk en hul land in ‘n beter plek te laat as wat hulle dit gevind het:

# Eskom was suksesvol met die handhawing van ‘n bestendige netwerk en voldoen aan die hoë winter-elektrisiteitsaanvraag. Suid-Afrika het sedert 16 Mei verlede jaar 428 agtereenvolgende dae sonder beurtkrag aangeteken. Woordvoerder Daphne Mokwena sê die kragstelsel se veerkragtige prestasie is die gevolg van Eskom se Opwekkingsherstelplan, wat ‘n Energiebeskikbaarheidsfaktor van 65,46-persent toon. Sy sê in die vorige boekjaar was kragonderbrekings in April en Mei verlede jaar beperk tot slegs 26 uur oor vier dae:

Eskom het intussen ‘n mikro hernubare-energienetwerk by die Mafikeng Provinsiale Hospitaal in Noordwes geïnstalleer, deur sy korporatiewe maatskaplike verantwoordelikheidsafdeling, die Eskom Ontwikkelingstigting. Eskom se waarnemende bestuurshoof, Mologadi Motshele, sê die tegnologie sal gebruik word om veerkragtigheid vir kritieke hospitaalafdelings te verhoog, insluitend die intensiewe sorgeenheid, operasiesale en die noodafdeling. Hy sê die projek voorsien die hospitaal van ‘n 200-kilowatt sonkragstelsel gekoppel aan ‘n 400-kilowatt-uur battery-energiebergingstelsel as ‘n rugsteunvoorraad.

# Die Suid-Afrikaanse Mediese Vereniging-vakbond doen ‘n beroep op gesondheidsorgpersoneel in die land om hulle weer te vereenselwig met die passie en doel wat hulle die beroep laat kies het. SAMATU se hoofsekretaris, Cedric Sihlangu, sê die vakbond kan nie toelaat dat finansiële beperkings gesamentlike meelewing ondermyn of die sorg van kwesbares in die gedrang bring nie. Hy sê ware vordering word nie gemeet aan ekonomiese statistieke nie, maar aan hoe mense mekaar deernisvol kan beskerm en ophef in tye van teëspoed.

# En rugby: Suid-Afrika het hul gene as kampioene bewys deur die Wêreldrugby Junior Wêreldkampioenskaptitel te behou, nadat hulle Frankryk Saterdag met 16-5 in Georgië geklop het en vir die eerste keer agtereenvolgende titels ingepalm het. Suid-Afrika het nou 11 agtereenvolgende oorwinnings op die Junior Wêreldkampioenskap-verhoog ingepalm en is die vierde span wat agtereenvolgens wen na Nieu-Seeland, Engeland en Frankryk. Die Junior Bokke het nou drie titels in die gesogte ouderdomsgroep-toernooi, wat die totaal van Frankryk ewenaar. Engeland en Nieu-Seeland het onderskeidelik vier en ses titels elk.

Bly ingeskakel vir meer nuus……………….