Nuus 16:00

BULLETIN 8 Julie 4 nm

Goeiemiddag. Ek is……..

In die bulletin:

# Die Gesondheidsombud vind geen verband tussen KwaZulu-Natalse gesondheidswerkers se dood en werksomstandighede nie
# Die Nasionale Skuilingbeweging vra etiese leierskap in Maatskaplike Ontwikkeling
# En sokker: Die Wêreldbeker-kwarteindstryde is nou opgestel

# Die Gesondheidsombud, Taole Mokoena, sê daar is geen bewyse om ‘n reeks sterftes onder gesondheidswerkers in openbare hospitale in KwaZulu-Natal regstreeks te verbind met werkplek-afknouery of swak werksomstandighede nie. Hy sê die onafhanklike ondersoek het ses hospitale bekyk en ernstige uitdagings ontdek, insluitend personeeltekorte, bevrore vakatures, oormatige werkslas, onvoldoende toerusting, verswakkende infrastruktuur en swak werknemer-welstandsprogramme. Mokoena beklemtoon dringende ingryping is nodig om werkers en pasiëntesorg te beskerm:

Steeds by mediese nuus:

Die Raad vir Gesondheidsbefondsers gaan die ontwikkeling van ‘n kerndienspakket ondersoek. Dit sal ‘n praktiese beginpunt bied om te bepaal watter noodsaaklike gesondheidsdienste binne beskikbare hulpbronne aan alle Suid-Afrikaners beskikbaar moet wees. Besturende direkteur Katlego Mothudi sê Suid-Afrika beskik reeds oor ‘n gevestigde model vir gesamentlike gesondheidsorg wat gratis by die diensleweringspunt aangebied word. Hy sê dit toon openbare en privaat hulpbronne kan ingespan word vir ‘n gemeenskaplike nasionale doelwit:

# Die Nasionale Skuilingbeweging van Suid-Afrika verwelkom Dina Pule se aanstelling as minister van Maatskaplike Ontwikkeling en vra etiese leierskap, bestendige bestuur en voorspelbare befondsing. Woordvoerder Greer Schoeman sê vroue en kinders wat van geweld vlug, kan nie bekostig dat noodsaaklike dienste ontwrig word nie. Die beweging verteenwoordig meer as 100 skuilings. Schoeman sê sterker vennootskappe tussen die regering en die burgerlike samelewing is noodsaaklik om oorlewendes van geslagsgeweld te ondersteun:

# Die migrasie-kenner Loren Landau sê betogings teen onwettige immigrante kan Suid-Afrika miljarde rand kos deur beleggersvertroue en die land se internasionale beeld te skaad. Landau het aan CapeTalk gesê die uitwerking strek verder as opsetlike beskadiging en ontwrigte ondernemings, en raak toerisme, handel en toekomstige beleggings. Hy waarsku voortdurende geweld verbind aan onwettige immigrasie kan veroorsaak dat internasionale beleggers en vennote sake met Suid-Afrika heroorweeg.

# Sokker: Net agt spanne is nou oor in die wedloop om die Wêreldbeker te wen, met die kwarteindronde wat môre begin. Frankryk sit sy poging voort om slegs die tweede Europese land te word om drie agtereenvolgende eindstryde te haal wanneer hy in Boston teen Marokko te staan kom. 2010 se kampioen, Spanje, pak België Vrydag in Los Angeles. Engeland speel Saterdag in Miami teen Noorweë, wat die eerste keer die kwarteindronde gehaal het. Die verdedigende kampioen, Argentinië, en Switserland speel Sondag in Kansas in die laaste kwarteindstryd.

# En die finansiële aanwysers: Die rand verhandel teen 16-rand-38-sent teen die dollar, 18-rand-68-sent teen die euro en 21-rand-86-sent teen die pond. Bitcoin verhandel teen 62-duisend-201-dollar. Die prys van goud is vier-duisend-en-69-dollar-33-sent per fynons en die prys van Brent-ruolie is 77-dollar-28-sent per vat.

Bly ingeskakel vir meer nuus……………….