Nuus 11:00

BULLETIN 16 Junie 11 vm

Goeiemôre. Ek is……..

In die bulletin:

# Internasionale Betrekkinge sal die Wêreldgesondheidsorganisasie betrek oor misleidende migrante-sterfteverklarings
# Die Suid-Afrikaanse Mediese Vereniging vra vir strenger kontroles aangesien vals dokters opsporing ontduik
# En ‘n Amerikaanse lugmag B-52-bomwerperongeluk in Los Angeles eis agt lewens

# Die Departement van Internasionale Betrekkinge en Samewerking sê hy gaan met die Wêreldgesondheidsorganisasie saamwerk om die verkeerde uitbeelding van sterftes wat verband hou met die land se stygende immigrasiekrisis reg te stel. Dit volg nadat die direkteur-generaal van die WGO, Tedros Adhanom Ghebreyesus, het verlede Vrydag gesê ten minste vyf Ethiopiese en vyf Mosambiekse burgers is dood, met duisende meer wat ontheem is te midde van beweerde teen-immigrant-betogings. Die departement se woordvoerder, Chrispin Phiri, sê die dood van die Ethiopiese burgers spruit uit georganiseerde misdaad eerder as xenofobiese aanvalle.

Die DA het intussen sy vennote in die regering van nasionale eenheid versoek om saam te werk aan gekoördineerde stappe om wetstoepassing te versterk, grensbeheer te verbeter en verdere geweld te voorkom. Glynnis Breytenbach van die party sê die Parlement se veiligheidsgroeperings moet dringend ‘n gesamentlike sitting byeen roep om te reageer op groeiende kommer oor aanvalle op buitelandse burgers en gemeenskapsonrus. Breytenbach het bygevoeg verenigde reaksie deur die regering is nodig om gemeenskappe te beskerm en wet en orde te handhaaf:

# President Cyril Ramaphosa sal vandag die hooftoespraak lewer tydens die Nasionale Jeugdag-herdenking in Johannesburg. Vanjaar se Jeugdag vier die 50ste herdenking van die 1976-jeugopstand. Ramaphosa se woordvoerder, Vincent Magwenya, sê die president se toespraak sal besin oor die belangrikheid van die Jeugopstand, die vordering wat oor die afgelope vyf dekades gemaak is, en die kollektiewe verantwoordelikheid van alle sektore van die samelewing om geleenthede vir jongmense te skep:

# Die Suid-Afrikaanse Mediese Vereniging sê dit word al moeiliker om vals dokters te identifiseer en pasiënte word in gevaar gestel. Hulle waarsku vals praktisyns gebruik meer gevorderde metodes, insluitend vervalste kwalifikasies, vervalste registrasiedokumente en identiteitsdiefstal, wat sommige toelaat om vir lang tye ongemerk te werk. Volgens onlangse syfers is meer as 50 vals praktisyns tussen Maart 2024 en Desember verlede jaar in hegtenis geneem. Mvuyisi Mzukwa van die vereniging sê swak verifikasiestelsels en inkonsekwente kontroles dra by tot die probleem.

# Agt mense, insluitend twee Boeing-werknemers, is dood in ‘n B-52-bomwerperongeluk kort na opstyging by die Edwards-lugmagbasis, noordoos van Los Angeles. Dit is die dodelikste ongeluk waarby ‘n B-52-bomwerper betrokke was sedert 1982. Die adjunkbevelvoerder van die Amerikaanse Lugmag, kolonel James Hayes, sê die bomwerper het ‘n toets uitgevoer ter ondersteuning van die radarmoderniseringsprogram. Hy sê militêre amptenare sal begin ondersoek instel, maar die presiese besonderhede sal eers na ongeveer ses maande vir die publiek beskikbaar wees:

# En krieket: Die veelsydige Nadine de Klerk van die Proteas-vroue glo die span sal herstel na die swaar openingsnederlaag teen Australië in die Vroue-T20-Wêreldbeker. Hulle speel Woensdag in hul tweede wedstryd van die toernooi teen Pakistan, in Birmingham. Die Aussies het die Proteas behoorlik afgeransel met ‘n gemaklike oorwinning van 65 lopies. De Klerk sê hoewel Pakistan ook baie draaibalspelers in hul span het, en hulle teen Australië gesukkel het, is hulle ‘n goeie kolf-eenheid. Die wedstryd begin om 19:30 op Edgbaston in Birmingham.

Bly ingeskakel vir meer nuus……………….