# Die minister van Gesondheid, Joe Phaahla, het ‘n uitbreking van witseerkeel in die Pollsmoor-gevangenis in Kaapstad bevestig, wat gelei het tot die dood van ‘n gevangene. Hy sê ‘n 19-jarige man het laat verlede maand simptome getoon en is na ‘n plaaslike hospitaal oorgeplaas. Agt gevangenes het sedertdien positief getoets vir hierdie ernstige siekte. Phaahla verseker daar is openbare maatreëls ingestel om die uitbreking onder beheer te bring. Dit sluit in deeglike kontakopsporing van gevangenes, Korrektiewe Dienste-personeel, gesondheidsorgwerkers en nooddienspersoneel.
Witseerkeel-uitbreking lei tot dood van ‘n gevangene in Pollsmoor-gevangenis in Kaapstad