# Die Landdroshof in Randburg het die saak teen ‘n 25-jarige vrou wat aangekla word vir die besit van kinderpornografie en geldwassery tot môre uitgestel vir ‘n formele borgtogaansoek. Sy is verlede week in Houghton, Johannesburg, in hegtenis geneem en is na bewering die beskuldigde Darren Wilken se vriendin. Hy is na bewering betrap met meer as tien-miljoen eksplisiete foto’s en video’s. Albei staan tereg op aanklagte van die vervaardiging en verspreiding van kinderpornografie en geldwassery. Die vrou bly in aanhouding terwyl die ondersoek voortduur.
Vrou in kinderpornografie-saak doen aansoek om borgtog