# Die Gespesialiseerde Handelsmisdaadhof in Middelburg, Mpumalanga, besluit vandag of daar ‘n onredelike vertraging was in die saak van 2,2-miljard-rand van die Kusile-kragstasie. Die saak spruit uit bewerings van korrupsie met ‘n tender. Die beskuldigdes sluit in die voormalige tussentydse uitvoerende hoof van Eskom, Matshela Koko, sy vrou en twee stiefdogters, en prokureur, Johannes Coetzee. Landdros Stanley Jacobs het in Maart bepaal die Ondersoekdirektoraat moet gereed wees om in September met die verhoor voort te gaan, maar hulle het weer uitstel gevra. Regsverteenwoordigers het daarop gevra dat die aanklagte teruggetrek word.