# Die Departement van Gesondheid bly waaksaam teen A-pokke na twee nuwe bevestigde gevalle dié week. Dit bring die totaal te staan op 22 sedert die uitbreking in Mei. Die jongste gevalle is ‘n 40-jarige man van Johannesburg wat in Durban diagnoseer is en ‘n 26-jarige van Nqutu in KwaZulu-Natal. Beide pasiënte het geen internasionale reisgeskiedenis nie. Foster Mohale van die departement moedig enigeen wat A-pokkesimptome toon aan om ‘n mediese ondersoek te ondergaan, te isoleer en saam te werk met kontakopsporingspogings om verdere oordrag te keer.
Twee nuwe gevalle van A-pokke bevestig