# Amerika se verkose president, Donald Trump, het Robert F. Kennedy Junior gekies om die Departement van Gesondheid en Humanitêre Dienste in sy tweede Withuis-administrasie te lei. Die entstof-skeptikus het in die 2024-presidentsveldtog as onafhanklike gestaan voordat hy Trump gesteun het. Die verkose president het Todd Blanche benoem as adjunk-prokureur-generaal. Blanche het Trump vroeër vanjaar in sy verhoor in New York verteenwoordig waar hy skuldig bevind is dat hy sakerekords vervals het. Die voormalige Georgia-kongreslid, Doug Collins, is gekies om die Departement van Veterane-sake te lei.
Trump kies entstof-skeptikus en sy eie prokureur vir sy administrasie