Skip to content

Stad Kaapstad waarsku teen toename in asblik-diefstal

# Die Stad Kaapstad doen ‘n beroep op inwoners om waaksaam te bly weens ‘n oplewing in gesteelde wielietjie-asblikke. Verslae toon ‘n styging vanaf 28-duisend-653 in 2022, tot 29-duisend-330 in 2023. Die burgemeesterskomiteelid, Grant Twigg, beklemtoon die vinnige aanmelding van sulke voorvalle. Twigg verseker proaktiewe maatreëls is ingestel om ononderbroke vullisverwydering te verseker. Eiendomseienaars word herinner aan hul verpligting om voldoende vullisdromme te verskaf, met die doel om onwettige storting hok te slaan. Inwoners word aangemoedig om saam met owerhede te werk om hierdie kwessie doeltreffend aan te pak.