# Die Suid-Afrikaanse Nasionale Padagentskap is besig met ‘n helling-stabiliseringsprojek van 31-miljoen-rand in Sir Lowryspas in die Wes-Kaap. Dit sal binnekort veiliger wees vir padgebruikers om deur die pas te ry. Die projekbestuurder, Senzo Ngobese, sê die bouwerk aan die helling behels die verwydering van los rotse en ongeveer 600 skroefbelynde staal-ankers sal ingeboor word. Dit kan help om moontlike rotsstortings en grondverskuiwings te verhoed. Bouwerk het in Januarie begin en sal teen Meimaand afgehandel wees. Die verkeer sal deurentyd in beide rigtings kan vloei.