# Dié week se samesprekings tussen die Amerikaanse president Joe Biden en die Chinese leier Xi Jinping, en instemming om militêre kommunikasie te herstel, behoort bestendigheid te bring in die Straat van Taiwan. Dit is die mening van die hoofafgevaardigde van Taipei by die Asië-Stille Oseaan Ekonomiese Samewerking-spitsberaad. AFP berig Morris Chang, wat in San Francisco is as Taiwan se gesant vir die spitsberaad, dink dit is goeie nuus dat hulle militêre kommunikasie hervat het. Taiwan is ‘n sleutelpunt van spanning tussen Washington en Beijing, met China wat aanspraak maak op die selfregerende Taiwan as sy gebied.