Ramaphosa gaan staatsbesoek na Katar onderneem

# President Cyril Ramaphosa gaan Woensdag ‘n staatsbesoek aan Katar onderneem op uitnodiging van Sy Hoogheid Sheikh Tamim bin Hamad Al Thani, Amir van die Staat Katar. Dit vorm deel van ‘n twee-dae-lange vergadering tussen die regerings van Suid-Afrika en Katar môre en Woensdag. Die besoek vind plaas in die konteks van drie dekades se diplomatieke verhoudings tussen die twee lande, wat in Mei volgende jaar die 30ste herdenking van die totstandkoming van diplomatieke betrekkinge sal vier. Hierdie besoek sal Ramaphosa se eerste besoek aan die staat Katar as Staatshoof wees.