# Die parlementêre gekose komitee oor Onderwys, Wetenskap en Kreatiewe Nywerhede vra dat veiligheid by skole verskerp word. Dit volg nadat die 54-jarige skoolhoof van Ekuthuleni Primary School, Jeffrey Sigudla, Donderdag buite die skoolterrein in Kraaifontein, Kaapstad, doodgeskiet is. Die komitee se voorsitter, Makhi Feni, sê dis kommerwekkend dat skoolhoofde slagoffers word van hierdie soort sluipmoorde en dat dit besig is om normaal te word. Hy sê wetstoepassing moet geen moeite ontsien nie om die skuldiges van hierdie bose dade aan te keer en uit te vind waarom hulle dit doen nie.
Parlementêre komitee wil veiligheid by skole verskerp