Follow Us
Nuus-hooftrekke 05:30 (DGO) 22 November
Mon 22nd Nov 2021
News Headlines 05:30
Mon 22nd Nov 2021
Print Friendly, PDF & Email

NUUSFLITS NUUSAGENTSKAP 22 November 6 vm

Goeiemôre,

In die bulletin:

# Die ANC NUK is in die verleentheid oor personeel se salarisse nie betaal word nie
# ActionSA beweer hy het 64-duisend moontlike stemme verloor weens die  naamfout op stembriewe
# En motorsport, Lewis Hamilton verminder Max Verstappen se kampioenskaps-voorsprong tot agt punte

# ‘n Lid van die Nasionale Uitvoerende Komitee van die ANC, Nomvula Mokonyane, sê die party is diep in die verleentheid omdat personeellede se salarisse nie betaal is nie. Van hulle het drie maande laas salarisse gekry en het gister voor die St George’s Hotel in Irene, Pretoria betoog. Die NUK het ‘n spesiale vergadering by die hotel gehou. ‘n Verteenwoordiger van die ANC-personeel, Mandla Qwane, sê daar is nie aan een van hul eise voldoen nie. Hy sê dit is verontrustend dat daar geld vir verkiesings is, maar nie vir salarisse nie.

Qwane sê die ANC-werknemers het nou by Nehawu aangesluit wat hulle sal verteenwoordig. Hy sê die betoging is die personeel se manier om te sê dit is nou ses maande sonder dat enigiets aan werknemers se eise gedoen is. Qwane sê personeel het hulle ongelukkigheid tydens die verkiesing op die agtergrond geskuif en hulle werk gedoen, maar die ANC moet nou sy deel doen.

# ActionSA sê ‘n ontleding van hierdie jaar se plaaslike regeringsverkiesing toon die party het 64-duisend moontlike stemme verloor weens die weglating op die stembrief vir proporsionele verteenwoordiging. Die party se aankondiging is in die staatskoerant gepubliseer om seker te maak die naam kom op die stembriewe. ActionSA het egter nie die afkorting van die naam voor die verkiesing aan die Onafhanklike Verkiesingskommissie verskaf nie, en daar was dus ‘n oop spasie op die stembrief. Die party sê met tussenverkiesings en die moontlikheid van herverkiesings, was hierdie stap van die uiterste belang.

# Nagenoeg 21-duisend tienerswangerskappe is van Maart vanjaar tot nou in KwaZulu-Natal aangeteken. Die LUR vir Menslike Ontwikkeling in die provinsie, Nonhlanhla Khoza, sê die ontstellende statistieke beklemtoon die noodsaak vir ‘n bewusmakingsveldtog oor jeugdiges wat swanger raak en geslagsgeweld. So ‘n veldtog moet nie net op vroue gerig wees nie, maar ook op mans. Khoza sê van die meisies wat swanger geraak het, was tussen nege- en 14-jaar oud. Sy was die spreker in die Mpandwini-gebied in Mbumbulu, suid van Durban waar die regering en tradisionale leiers gesprek gevoer het oor die rol wat mans kan speel om geslagsgeweld aan bande te lê.

# Die leiers van die militêre staatsgreep in Soedan, het die eersteminister Abdalla Hamdok in sy amp herstel en gaan alle politieke aangehoudenes onder ‘n nuwe ooreenkoms vrylaat. Hamdok wat in huisarres was na verlede maand se staatsgreep, het gister ‘n nuwe ooreenkoms oor magsdeling met die leier van die staatsgreep, generaal Abdel Fattah al-Burhan, onderteklen. Nagenoeg 40 mense is dood in betogings teen die staatsgreep. Die Verenigde Nasies en Amerika het volgens berigte ‘n groot rol in die opstel van die ooreenkoms gespeel. Dis nog nie bekend hoeveel mag Hamdok en sy kabinet sal hê nie.

# Motorsport: Die Mercedes-renjaer Lewis Hamilton het Max Verstappen van Red Bull se kampioenskapvoorsprong tot agt punte verminder met nog net twee wedrenne oor. Die sewemalige wêreldkampioen het die eerste Katar Grand Prix gewen met Verstappen tweede en Fernando Alonso van die Alpine-span derde, vir sy eerste podiumplek sedert 2014. As Verstappen oor twee weke in Saoedi-Arabië wen en Hamilton eindig nie onder die voorste tien nie, word die Red Bull-jaer die wêreldkampioen met nog een wedren oor. Mercedes loop voor in die konstruksiekampioenskap met vyf punte meer as Red Bull.

# Finansiële aanwysers: Die rand verhandel teen 15-rand-71-sent teen die dollar, 17-rand-72-sent teen die euro en 21-rand-10-sent teen die pond. Bitcoin verhandel teen 57-duisend-764-dollar-5-sent. Die prys van goud is een duisend-844-dollar-42-sent per fynons en die prys van Brent ruolie 78-dollar-40-sent per vat.

# En ten slotte, Mej. Suid-Afrika 2020, Shudufhadzo Musida, sê sy is verheug om uiteindelik op die internasionale verhoog te skitter. Sy het na die Mej. Wêreld-kompetisie vertrek wat op die 16de van volgende maand in San Juan, Puerto Rico, gehou word. Die skoonheidswedstryd is weens die Covid-19 pandemie uitgestel. Musida sê sy is opgewonde om dit waarop sy in haar tydperk as Mej.SA konsentreer het, naamlik die bewusmaking van geestesgesondheid, na ‘n internasionale gehoor te neem. Die Kaapstadse ontwerper Warrick Gautier was verantwoordelik vir die ontwerp van Musida se Ontwerper van die Wêreld-rok en uitrusting vir die finale optrede.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away