# Nelson Mandelabaai se waarnemende stadsbestuurder, Anele Qaba, het vandag se beplande raadsvergadering tot Maandag uitgestel wanneer die verkose raadslede ingehuldig en ‘n speaker, burgemeester, onderburgemeester en hoofsweep gekies sal word. Die Oos-Kaapse LUR vir Samewerkende Regering en Tradisionele Sake, Xolile Nqatha, het die wettigheid van Qaba se verlengde termyn as waarnemende bestuurder bevraagteken omdat die drie maande wat volgens wet toegelaat word, verstryk het. Qaba sê sy termyn is wettig omdat die raad op reses was en nie ‘n ander ampsdraer kon aanstel nie.