Skip to content

‘n Netwerk Afrikaner-organisasies wil ‘n kulturele verdrag skep

# Die Afrikaner-leierskapsnetwerk het ʼn Gesamentlike Afrikaner-verklaring uitgereik waarin hy vra dat ʼn kulturele verdrag vir Afrikaners geskep word wat deur die regering erken word. Die netwerk bestaan uit organisasies en individue uit verskillende sektore van die Afrikaner-gemeenskap. Die netwerk se koördineerder, Theuns Eloff, sê ʼn kulturele verdrag kan kulturele samehang verseker. Die presidensie se woordvoerder, Vincent Magwenya, sê daar is genoeg beskerming in die Grondwet en dis nie nodig vir ʼn spesiale ooreenkoms met enige spesifieke groep nie. Die netwerk hou vandag ʼn vergadering by die Voortrekkermonument.