# Die graderingsagentskap Moody’s het Transnet se kredietgradering op hersiening geplaas vir ‘n moontlike afgradering, weens die staatsbeheerde instelling se verslegtende finansiële stabiliteit. Transnet het skuldverpligtings van sowat tien-miljard-rand van Desember tot Maart volgende jaar. Dit sluit die 4,6-miljard-rand se korttermynstaatseffek in wat die Openbare Beleggingskorporasie heruitgereik het. Dit is nou in Maart volgende jaar terugbetaalbaar. Moody’s sê hy verstaan die instelling werk aan verskeie finansieringsopsies, maar hy glo dit sal al hoe moeiliker word om toegang tot nuwer finansiering te kry sonder regeringsondersteuning.
Moody’s plaas Transnet se kredietgradering op hersiening vir moontlike afgradering