# Hoewel aktiewe Covid-syfers in Namibië die afgelope ses weke ‘n merkbare afname toon, word byna die helfte minder mense nou teen die siekte ingeënt as tussen Julie en September. Die minister van Gesondheid en Maatskaplike Dienste, Kalumbi Shangula, sê, hoewel daar minder Covid-gevalle is, kan Namibiërs nie nou met inentings ophou nie. Daar was in die derde kwartaal daagliks tussen drie-duisend-500 en vier-duisend inentings maar dis nou minder as twee-duisend per dag. Sowat 23-persent van die bevolking het teen verlede week hul eerste inentings gekry, terwyl 18,6-present ten volle ingeënt is.