Limpopo Departement van Onderwys ontsteld nadat onderwyser aangekeer word vir dwelmhandel

# Die Departement van Onderwys in Limpopo is teleurgesteld oor die arrestasie van ‘n onderwyser aan die Gekombineerde Hoërskool Mashashane vir dwelmhandel. Die 33-jarige het dwelms ter waarde van 20-duisend-rand en ‘n ongelisensieerde vuurwapen in sy besit gehad. Die LUR van Onderwys, Mavhungu Lerule-Ramakhanya, het die wangedrag veroordeel en sê dissiplinêre stappe sal volg. Sy sê die onderwyser se gedrag is kommerwekkend gegewe die impak van dwelmmisbruik op skoolgaande jeug.