Krieket: Masood lei Pakistan in reeks van drie toetse in Australië

# Krieket: Shan Masood sal Pakistan in ‘n reeks van drie toetse in Australië aanvoer nadat Babar Azam na die Wêreldbeker-toernooi bedank het as kaptein in al drie formate. Die kampioen van 1992 het vyfde geëindig in die toernooi nadat hulle slegs vier van hul nege groepwedstryde gewen het. Dit het ook gelei tot die afdanking van spandirekteur, Mickey Arthur, en hoofafrigter, Grant Bradburn, met die voormalige kaptein, Mohammad Hafeez, wat in albei posisies waarneem. Die eerste toets begin op 14 Desember in Perth, die tweede een in Melbourne op die 26ste en die laaste een in Sydney op drie Januarie.