# Die Wes-Kaapse polisiekommissaris, Thembisile Patekile, sê pogings om ernstige geweldsmisdade te bekamp gaan voort ten spyte van uitdagings. Hy het gister provinsie-spesifieke misdaadsyfers vir die tweede kwartaal van 2023/2024 bekend gemaak. Moorde het op ʼn jaar-tot-jaar-basis tussen Julie en September met 10,9-persent toegeneem. In dié drie maande is een-duisend-164 moorde in die provinsie aangemeld. Patekile sê bydraende faktore sluit in bendegeweld, afpersing en die misbruik van dwelms en alkohol. Hy sê hulle gaan bykomende wetstoepassings- en veiligheidsagentskappe in brandpuntgebiede ontplooi en die Teenbende-eenheid versterk.
Kommer oor moorde in Wes-Kaap op jaarbasis met 10,9% toeneem