# Disney het 14 kunstenaars as legendes vereer. Dit sluit in akteurs soos Harrison Ford en Angela Bassett, die sangeres Miley Cyrus en die regisseur James Cameron. Die maatskappy sê die kunstenaars het ʼn groot uitwerking gehad op Disney se nalatenskap. In die verlede is Christina Aguilera, Stan Lee, Betty White en Oprah Winfrey ook vereer. Disney het nog ses mense vereer wat agter die skerms betrokke is en tot baanbrekerflieks, -kuns en Disney-ervarings bygedra het. Dit sluit die Oscar-wenner en kostuumontwerper, Colleen Atwood, en die bekende animasie-kunstenaar Mark Henn in.
Harrison Ford, Angela Bassett en James Cameron vereer as Disney-legendes