# Die Wierdabrug sektor twee Gemeenskapspolisiëringsforum in Pretoria het begin met ‘n veldtog om slaggate in Rooihuiskraal en The Reeds in Centurion reg te maak. Dit vorm deel van die GPF se verbintenis om die gemeenskap veilig te hou, en sluit padveiligheid in. Die reënweer onlangs het baie paaie in Tshwane beskadig. Die GPF se woordvoerder, Mynhardt le Roux, sê privaat individue het verskeie slaggate op Uitsigweg op pad na Ou Johannesburgweg reggemaak.
Gemeenskapspolisiëringsforum begin met herstel van slaggate-veldtog in Pretoria