Skip to content

Deense monarg kondig abdikasie regstreeks op TV aan

# Koningin Margrethe die Tweede van Denemarke het haar abdikasie in ʼn nuwejaarstoespraak op televisie aangekondig. Sy tree op 14 Januarie amptelik af, presies 52 jaar nadat sy die troon bestyg het. Haar seun, kroonprins Frederik, sal haar opvolg. Die 83-jarige koninklike is die wêreld se enigste regerende koningin en tans die langsdienende monarg in Europa. Koningin Margrethe staan liefdevol bekend as Daisy, en is bekend vir haar rookgewoontes en afkeer van selfone en die internet.