Skip to content

Dapper hond keer dat bure se huis aan die brand slaan

# Die hond Lucy word as ‘n heldin geprys in ‘n dorp in Arlington in Amerika nadat sy haar eienaars wakker gemaak het om hulle te waarsku oor ‘n brand oorkant die straat. Die gemengde-ras hond se buitengewone manier van blaf het veroorsaak dat Douglos O’Connor uit die bed gespring het. Dis toe hy gesien het die bure se werkswinkel is aan die brand. Hy het die owerhede ontbied, wat die vlamme kon blus voordat dit na die huis versprei het waar die eienaars nog vas aan die slaap was. Die brandbestryders het later teruggekeer om Lucy ‘n welverdiende kopkrap te gee.