# Die ANC eis aanspreeklikheid van die Britse multinasionale bank, Standard Chartered, ná sy erkenning van kartel-gedrag met die manipulering van die rand se waarde. Die ANC se nasionale woordvoerder, Mahlengi Bhengu-Motsiri, sê die ooreengekome skikking van 43-miljoen-rand is nie genoeg om die beduidende skade aan die land se ekonomie reg te stel nie. Bhengu-Motsiri doen ‘n beroep op wetstoepassingsagentskappe om ‘n saak teen betrokke individue aanhangig te maak en op geregtigheid aan te dring. Sy het ook die Mededingingskommissie geprys vir sy ondersoek.